Sönghátíð í Hafnarborg 18.6. - 2.7.2023
Kæru gestir.
We look forward to seeing you!
Hátíðin í ár býður upp á átta tónleika með framúrskarandi söngvurum, kór og hljóðfæraleikurum sem flytja fjölbreytta tónlist frá ólíkum tímum. Ýmis námskeið verða einnig í boði. Sönghátíð í Hafnarborg fékk Íslensku tónlistarverðlaunin sem Tónlistarhátíð ársins 2020 og hefur nú fest sig í sessi sem vinsæl sumartónlistarhátíð.
Á Sönghátíð í Hafnarborg er lögð rækt við list augnabliksins. Jafnframt er horft til framtíðar með því að birta á YouTube síðu hátíðarinnar valdar myndbandsupptökur af tónleikum og viðtöl við söngvara.
Sönghátíð í Hafnarborg er sjálfstæð hátíð, sem haldin er nú sjöunda árið í röð í gjöfulu samstarfi við Hafnarborg. Hátíðin í ár nýtur stuðnings Hafnarfjarðarbæjar, Tónlistarsjóðs, Starfslauna listamanna, Styrktarsjóðs Friðriks og Guðlaugar og Menningarsjóðs FÍH. Við þökkum þeim kærlega stuðninginn.
Góða skemmtun!
Guðrún Jóhanna Ólafsdóttir & Francisco Javier Jáuregui,
stofnendur og stjórnendur Sönghátíðar í Hafnarborg.
Stjórn Sönghátíðar í Hafnarborg:
Signý Pálsdóttir, formaður stjórnar
Árni Möller, gjaldkeri
Guðrún Jóhanna Ólafsdóttir og Francisco Javier Jáuregui, meðstjórnendur